 |
| Foto : Kumpulananimasi.org |
Tujuh belas Agustus mangrupikeun dinten pangeling-eling kamerdikaan nagara Republik Indonesia, kiwari taun 2020 tos nincak kana 75 taun milangkara atanapi tepung taunna. Ieu teh dumasar etangan ti ngawitan Indonesia lepas ti para panjajah dina warsih 1945 anu pancegna ping 17 Agustus.
 |
| Foto : Alanqa |
Nembe dinten ieu anu kacida dipikareueus ku urang sadayana, nyaeta mielingna bangsa Indonesia nu ninggang ping 17 Agustus teh nu dijantenkeun di tengah pangeling-eling merdeka bangsa urang tina kungkungan bangsa deungeun. Salami ampir nyaketan 4 abad atanapi kirang langkung 350 taun ku kumpeni walanda (1596 - 1942) sareng yepang 3 taun (1942 - 1945 ) sabalegenderna ampir nyaketan 4 ratusan warsih bangsa urang teh dijajah ku bangsa deungeun nyaeta Kumpeni Walanda atanapi bahasa kongsi dagangna Verenigde Oostindische Compagnie (VOC) sareng Yepang.
Nah dina salami eta rahayat bangsa indonesia teh kasiksa lahir sareng batinna, teu kitu kumaha fisikna diperedih gawe paksa anu kacida weratna bari jeung salami eta disiksa deui, batinna mun peuting jadi pikiran kusabab hararese sarena. Taya jalmi anu teu ngaraos senang atanapi tentrem ayem dina waktos harita, nya iwal jalmi-jalmi anu kersa ngiring kana pamadegan bangsa deungeun meureun. Ku sagala panyiksa anu kaalaman bangsa urang harita, nya lami kalamian mah, bangsa urang teh hudang atuh amarahna. Sanajan bangsa urang teu ngagaduhan alat perang anu lengkep tur modern dina jaman harita teuing mah, nanging ku kawanter anu sakitu ageungna, atuh rongkah pisan bangsa deungeun anu kacida telenges tur hawek ka bangsa urang dilawan beak dengkak naon wae jalan keur ngalawan bangsa deungeun teh estuning diketrukeun pikeun ngusir ti nagri Indonesia. Nya pan ahirna mah kateter oge bangsa walanda jeung bangsa yepang teh dina nyanghareupan sumanget anu gede ti bangsa urang, antukna mah baralik ka lemburna sewang-sewangan, urang walanda atanapi Nederland balik ka nagara asalna, nyakitu deui bangsa yepang oge sarua balik ka nagarana. Warsih sabaraha cenah kajantenan nagara Indonesia dikosongkeun ku panjajah eta?', upami ningali kana referensi sajarah anu kungsi diaos ku sim kuring, kinten-kinten yepang ngantunkeun nagara urang sawaktos nagarana diobrak-abrik ku nagara Adidaya sumuhun Amrika sarikat tea, nya ceplesna mah ping 14 Agustus 1945 nyaeta kota Hirosyima jeung Nagasaki dibom bardir tepi kaancurna. Meureun ku sieun-sieunna di Indonesia, harita teh baralik we, bisi meureun dicerek deleg-deleg ku sakutu lawanna. Nya tidinya bangsa urang teh tiasa ngarenghap panjang. Dina lumangsung waktos-waktos kitu teh mangrupikeun lolongkrang hiji kasempetan anu tong dimomorekeun pikeun aya hojah ngamerdekakeun bangsa tina kungkungan bangsa deungeun kiteuh.
Tah dumasar kana kamerdekaan bangsa Indonesia anu lumangsung ping 17 Agustus 1945, naha urang ayeuna tos merdeka leres-leres teu, sumuhun ari sacara lahir mah urang teh teu dijajah ku bangsa deungeun nyaeta diutah etah. Nanging peryogi kauninga hate mah moal bisa dibohongan atuh, cikan ngaku moal urang masih keneh ku bangsa deungeun. Da moal ngaku barina oge, padahal mah dumuk-dumuk dina mangsa ayeuna jajahan anu wujudna lain perang seueur pisan anu ku urang dialaman ayeuna. Naon atuh salami ieu anu ngajajah urang, nya upami ditilik-tilik atanapi disidik-sidik geuning urang teh boki keneh produk-produk anu dijieun ku bangsa deungeun, leres teu?. Sok komo jaman anu kabehdieukeun beuki maju tea, sanes wae ngosumsi deui langkung tikitu nyieun model produk-produk bangsa deungeun teh estuning bangsa urang mah janten tuturut munding leres teu?, Naon contona. Ah loba we, baheula anu bisa nyieun elektronik, kandaraan, pakean, pan eta teh nu mitembeyan na dadamelan produk teh bangsa deungeun. Naon atuh ciptaan bangsa urang, kabeh oge geuning micontona ka bangsa deungeun leres teu?. Sumuhun kapungkur mah bangsa urang perang teh mung modalna teh bambu runcing jeung alat tradisional sejenna, nanging bari jeung kitu oge geuning perang teh tiasa kenging, atuh hebat baheula bangsa urang teh saupami dibanding jeung jaman kiwari. Cobi ayeuna, saupami urang ngabanding-banding alat perang jeung bangsa sejen, anu masih jauh tangeh, bari jeung kitu oge sawarehna meuli deui ti bangsa sejen. Eta urusan sacara global anu aya hantar kakaitan jeung nagara, kumaha sacara pribadi sewang-sewangan. Teu ngabibisani, saleresna mah urang masih keneh kajajah, langkung ti kitu urang teh tos kalebet bangsa anu ngahambana hate-hate urang sadaya ka pangersa bangsa-bangsa sejen, nya wakca balaka we urang teh ayeuna tos janten robot bangsa-bangsa kafir, leres teu. Teu kitu kumaha, produk-produk samodel handphone, kandaraan, elektronik jeung sajabana-sajabana, sadayana oge urang hoyong pisan ngagaduhan, sareng nganggona, leres teu. Baheula kandaraan di nagara urang mah pan gaduh sado sareng padati upami di darat, upami di cai mung saukur gaduh getek jeung parahu, leres teu.
Na eta mah saatos urang dijajah ku bangsa deungeun nu kadieuna teh, mawa sapedah, motor, mobil, talikopter jeung sajabana, pokona mah nu aheng-aheng we, majarkeun mah talipon disada oge dijerona eta aya tonggeret keur nyumput.
Padahal marake nu bawaan bangsa deungeun teh tos diomat-omatan pisan ku kolot urang baheula, barang-barang nu kararitu mah tong dibeuli jeung tong dipake. Nanging saatos kolot baheula tos teu aya dikieuna mah, teu majar kumaha ngahenggol we teu kireum-kireum, ampir sadaya rahayat Indonesia teh kajajah deui hatena, ieu mah bebas pisan sagala-galana, bisa pulah-pilih naon wae anu dipihayang, asal aya pameulina.
Bebas sih bebas, tapi hate mah marorengja keneh kaditu kadieu, meureun matak kitu oge urang teh masih kajajah keneh. Nya tungtungna nyakitu nyangkutpautkeun ngudag kaayaan jaman. Sumuhun hartosna kiwari urang teh kajajah ku sagala faham nu asup kana diri urang, contona bangsa deungeun ayeuna nembrakeun pangabisana keur ngahontal pangabutuh ningkatkeun ekonomi nagara, da eta ti saprak nagara-nagara Asia Tenggara anu nangtungkeun tingkat ical galeuh bebas nu harita lumangsungna konferensi tingkat luhur atanapi KTT kaopat kalina di nagara Singapure, kasebutna AFTA singketan tina Asean Free Trade Area ( Perdagangan Bebas Asia Tenggara) teh keur nyiptakeun hiji Zone ical galeuh bebas, ceuk basa kerenna "Perdagangan Bebas" warsih 1995, aya sababaraha nagara ngiring gempungan diantawisna Brunai, Indonesia, Filipina, Singapura, Thailand jeung Vietnam, tilu nagara sanesna Laos jeung Mianmar gempung warsih 1997, anu pangbuncitna Kamboja ngiring gempungan warsih 1999, tah eta hiji organisasi ical galeuh bebas di Asia tenggara.
Nangtungna organisasi AFTA harita, di sakuliah dunya oge teu eleh deet nyiptakeun organisasi WTO singketan tina World Trade Organisation (Perdagang Bebas Dunia) anu gempunganna oge sarua berejelna warsih 1995 di Jenewa Swiss, ieu mah organisasi anu leuwih rongkah atuh, sanes ical galeuh di Asia Tenggara wungkul, nanging namina sakuliah dunya lega pisan anu ngawengku Asia, Aropah, Amrika, Afreka jeung nagara-nagara kutub belah kidul nyaeta Antartika, sumuhun nagara anu pangtebihna ti nagara urang ditungtung belah kidul bumi pisan anu ngalangkungan lautan es Samudra Antartika. Naon cenah pangna nanjeurkeun organisasi-organisasi samodel kitu teh, anu maksud sareng tujuanna mah sangkan barang-barang anu diproduksi ti unggal nagara bisa dibeuli ku saha wae, sapertos urang yeuh ical galeuh goreng oncom hoyong diical ka Singapura, tiasa wae, jaman kiwari naon anu teu bisa, asal kualitasna we ditingkatkeun. nyakitu bangsa deungeun ngical barang-barang elektronik eta oge gampil pisan diicalna. Geuning wujud prak-prakan ical galeuh ayeuna perdagangan bebas teh ngaliwatan ical galeuh Online, dumugi jaman kiwari mucunghulna toko-toko online di dunya maya sapertos aya tokopedia, shofee, lazada, princeza, Bhineka jeung rea-rea deui, wah pokona upami urang hoyong balanja naon wae kumplit di toko online mah. Nu matak tah ayeuna mah sanes hawek dina masalah ngajajah nagara bangsa deungeun teh, nanging leuwih rongkahna deungeun-deungeun ngajajah masalah ekonomi sareng ical galeuh atuh, nya anu antukna produk-produk urang teh seueur nu kageseh atanapi kateter da eta kawon dina masalah kwalitas sareng lisensina. Sok komo ayeuna nu pangramena ical galeuh teh kana barang jenis gadget sapertos handphone android (ponsel pintar), teu mung saukur sageprakan barang-barang nu kararitu teh tos tiasa kapimilik ku saha wae salian gampil hargina oge mirah deui, bebas rek meuli model kumaha oge.
Majarkeun teh, teu boga handphone katinggaleun jaman, teu boga kandaraan nyakitu asa teu sukuan. Ah pokona mah nenjo batur batur boga android hade hayang make, nempo batur mawa mobil hayang meuli, henteu sugan batur boga kapal hayang meuli deui. Dipikir-pikir mah bangsa urang mah kawas jelema gehgeran, batur ngomong konci hayang konci, ah pokona mah itu hayang ieu hayang, majarkeun teh kabita cenah. Tah anu kitu teh cirining hate teh masih keneh kajajah ku pangbibita dunya.
Anu leuwih parah jaman kiwari ical galeuh teh sanes mung saukur anu sangkut paut sareng barang-barang pangabutuh, oge kasebutna anu dilarang ku agama jeung nagara, estuning kiwari teh beuki mahabu pisan nyaeta bisnis birahi online, perdagangan seks bebas ieu anu kurang ngadidik sareng ngatik ka para rumaja sareng murangkalih anu can nincak umur baleg, geus puguh ninggangna ka jalmi anu tos dewasa mah, eta mah teu tiasa didinding kelir deui, nya anu beuki kana laku lampah maksiat mah teu ditayangkeun oge harideng sorangan, pamustungan pisan nu matak ngajantenkeun ruksakna ahlak-ahlak jalma jaman kiwari. tah kuayana mucunghul media-media sosial sapertos facebook, WhatsApp, instagram jrrd, pan ieu teh nyaeta musababna mah kacanggihan bangsa deungeun nyiptakeun parangkat lunak versi android, nu kasebut bieu mangrupikeun ancaman nu pangbadag-badagna saupami dibandingkeun sareng tingkah polah anu maksiat sacara lahir, ieu tiasa keneh dikontrol, ari sangkutpaut sareng perangkat lunak mah langkung ageung bahayana, nya abongkena bebas tepikeun kalakuan "I Thinking On The Way" oge teu kadalian ku diri urang, nyaeta dina hal-hal lamunan jeung daya khayal, mun balangah matak cilaka.
Dina mangsa bangsa urang kiwari merdika, sanes nyiptakeun diri urang sabebas-bebas, tapi oge urang sing aya pangwatesna, nyaeta tanggungjawab moral atanapi ahlak.
Nya memang bener bangsa urang geus 75 taun merdika, dina harti teu aya bangsa deungeun anu liliwuri di nagri urang kiteuh. Merdeka...!, Cag ah.
Bebas sih bebas, tapi hate mah marorengja keneh kaditu kadieu, meureun matak kitu oge urang teh masih kajajah keneh. Nya tungtungna nyakitu nyangkutpautkeun ngudag kaayaan jaman. Sumuhun hartosna kiwari urang teh kajajah ku sagala faham nu asup kana diri urang, contona bangsa deungeun ayeuna nembrakeun pangabisana keur ngahontal pangabutuh ningkatkeun ekonomi nagara, da eta ti saprak nagara-nagara Asia Tenggara anu nangtungkeun tingkat ical galeuh bebas nu harita lumangsungna konferensi tingkat luhur atanapi KTT kaopat kalina di nagara Singapure, kasebutna AFTA singketan tina Asean Free Trade Area ( Perdagangan Bebas Asia Tenggara) teh keur nyiptakeun hiji Zone ical galeuh bebas, ceuk basa kerenna "Perdagangan Bebas" warsih 1995, aya sababaraha nagara ngiring gempungan diantawisna Brunai, Indonesia, Filipina, Singapura, Thailand jeung Vietnam, tilu nagara sanesna Laos jeung Mianmar gempung warsih 1997, anu pangbuncitna Kamboja ngiring gempungan warsih 1999, tah eta hiji organisasi ical galeuh bebas di Asia tenggara.
 |
| Foto : id.wikipedia.org |
Nangtungna organisasi AFTA harita, di sakuliah dunya oge teu eleh deet nyiptakeun organisasi WTO singketan tina World Trade Organisation (Perdagang Bebas Dunia) anu gempunganna oge sarua berejelna warsih 1995 di Jenewa Swiss, ieu mah organisasi anu leuwih rongkah atuh, sanes ical galeuh di Asia Tenggara wungkul, nanging namina sakuliah dunya lega pisan anu ngawengku Asia, Aropah, Amrika, Afreka jeung nagara-nagara kutub belah kidul nyaeta Antartika, sumuhun nagara anu pangtebihna ti nagara urang ditungtung belah kidul bumi pisan anu ngalangkungan lautan es Samudra Antartika. Naon cenah pangna nanjeurkeun organisasi-organisasi samodel kitu teh, anu maksud sareng tujuanna mah sangkan barang-barang anu diproduksi ti unggal nagara bisa dibeuli ku saha wae, sapertos urang yeuh ical galeuh goreng oncom hoyong diical ka Singapura, tiasa wae, jaman kiwari naon anu teu bisa, asal kualitasna we ditingkatkeun. nyakitu bangsa deungeun ngical barang-barang elektronik eta oge gampil pisan diicalna. Geuning wujud prak-prakan ical galeuh ayeuna perdagangan bebas teh ngaliwatan ical galeuh Online, dumugi jaman kiwari mucunghulna toko-toko online di dunya maya sapertos aya tokopedia, shofee, lazada, princeza, Bhineka jeung rea-rea deui, wah pokona upami urang hoyong balanja naon wae kumplit di toko online mah. Nu matak tah ayeuna mah sanes hawek dina masalah ngajajah nagara bangsa deungeun teh, nanging leuwih rongkahna deungeun-deungeun ngajajah masalah ekonomi sareng ical galeuh atuh, nya anu antukna produk-produk urang teh seueur nu kageseh atanapi kateter da eta kawon dina masalah kwalitas sareng lisensina. Sok komo ayeuna nu pangramena ical galeuh teh kana barang jenis gadget sapertos handphone android (ponsel pintar), teu mung saukur sageprakan barang-barang nu kararitu teh tos tiasa kapimilik ku saha wae salian gampil hargina oge mirah deui, bebas rek meuli model kumaha oge.
Majarkeun teh, teu boga handphone katinggaleun jaman, teu boga kandaraan nyakitu asa teu sukuan. Ah pokona mah nenjo batur batur boga android hade hayang make, nempo batur mawa mobil hayang meuli, henteu sugan batur boga kapal hayang meuli deui. Dipikir-pikir mah bangsa urang mah kawas jelema gehgeran, batur ngomong konci hayang konci, ah pokona mah itu hayang ieu hayang, majarkeun teh kabita cenah. Tah anu kitu teh cirining hate teh masih keneh kajajah ku pangbibita dunya.
Anu leuwih parah jaman kiwari ical galeuh teh sanes mung saukur anu sangkut paut sareng barang-barang pangabutuh, oge kasebutna anu dilarang ku agama jeung nagara, estuning kiwari teh beuki mahabu pisan nyaeta bisnis birahi online, perdagangan seks bebas ieu anu kurang ngadidik sareng ngatik ka para rumaja sareng murangkalih anu can nincak umur baleg, geus puguh ninggangna ka jalmi anu tos dewasa mah, eta mah teu tiasa didinding kelir deui, nya anu beuki kana laku lampah maksiat mah teu ditayangkeun oge harideng sorangan, pamustungan pisan nu matak ngajantenkeun ruksakna ahlak-ahlak jalma jaman kiwari. tah kuayana mucunghul media-media sosial sapertos facebook, WhatsApp, instagram jrrd, pan ieu teh nyaeta musababna mah kacanggihan bangsa deungeun nyiptakeun parangkat lunak versi android, nu kasebut bieu mangrupikeun ancaman nu pangbadag-badagna saupami dibandingkeun sareng tingkah polah anu maksiat sacara lahir, ieu tiasa keneh dikontrol, ari sangkutpaut sareng perangkat lunak mah langkung ageung bahayana, nya abongkena bebas tepikeun kalakuan "I Thinking On The Way" oge teu kadalian ku diri urang, nyaeta dina hal-hal lamunan jeung daya khayal, mun balangah matak cilaka.
Dina mangsa bangsa urang kiwari merdika, sanes nyiptakeun diri urang sabebas-bebas, tapi oge urang sing aya pangwatesna, nyaeta tanggungjawab moral atanapi ahlak.
Nya memang bener bangsa urang geus 75 taun merdika, dina harti teu aya bangsa deungeun anu liliwuri di nagri urang kiteuh. Merdeka...!, Cag ah.
Post a Comment