Ramadhan Yang suci

 

Ramadhan teh bulan anu ka salapan dina taun hijrah islam, dina Ramadhan ieu kanggo sadaya  umat islam teh diwajibkeun ngalakonan saum atanapi puasa dina bulan ieu, ari keur nu biasa mah kacida reueusna saupama Ramadhan ieu datangna, ceuk babasan tea mah kacida dianti-antina. Malah ceuk nu getol kana puasa mah, mun unggal bulan aya puasa resep cenah. Bisi pamaos aya anu teu acan terang naon hartosna puasa, nya dina kaca blog ieu rek dijentrekeun naon atuh ari puasa teh.

Dina Al-Qur’an tetala dijentrekeun puasa-puasa kanggo umat manusa ti generasi ka generasi diwajibkeun pisan. Tah dina Al-Qur’an teh dijentrekeun kalayan eces, yen parentah puasa anu diwajibkeun ka para nabi sareng rosul teh memang benten-benten. Sapertos puasa anu dilakonan ku sadaya umat islam di sakuliah dunya, yen wajibna puasa teh kedah dilakonan dina sasih Ramadhan unggal taun. Aya kitu parentahna, is puguh we. Dina Al-Qur’an surat Al-Baqoroh ayat 183 dijentrekeun tetelan pisan dina ayat eta diterangkeun

يٰٓاَيُّهَا الَّذِيْنَ اٰمَنُوْا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِيْنَ مِنْ قَبْلِكُمْ لَعَلَّكُمْ تَتَّقُوْنَۙ

Anu hartosna : Hai jalma-jalma anu ariman..!, diwajibkeun kanggo anjeun puasa sakumaha diwajibkeun ka jalma-jalma saacan anjeun supaya anjeun taqwa”

Dina hiji hadits dijentrekeun anu aya hantar kakaitan jeung bulan Ramadhan, Ti Abu Hurairah ra, Rosululloh Sholallohu Alaihi Wassalam ngadawuh “ Tos sumping ka aranjeun sadaya bulan Ramadhan, bulan anu pinuh ku barokah, Alloh tos ngawajibkeun ka aranjeun puasa ka manten-Na. Dina bulan Ramadhan, Alloh rek mukakeun panto-panto sorga, nutup panto-panto naraka, jeung nalian syetan-syetan nu jahat. Di lebetna aya hiji peuting anu leuwih hade ti sarebu bulan. Sing saha anu kahalangan ti kahadean eta, mangka maranehna bener-bener jauh tina kahadean.

Dina bulan Ramadhan, urang lain puasa nahan teu dahar jeung teu nginum, nanging aya sababaraha katangtuan anu kudu dipuasaan ku urang, kayaning urang kedah ngaraksa ngajaring salira tina hal anu matak ngabatalkeun puasa urang, pangutamana mah ngajauhkeun tina ngalakonan maksiat ka Alloh Subhana Wata'ala. Nyaeta ngajauhan tina anu matak ngahudangkeun nafsu birahi, sok sanaos eta dilakonan ku istri sareng caroge dina waktos siangna, dipahing pisan. Sok komo sareng anu sanes mahrom mah, teu kenging, jelas jelas ieu matak pisan ngabatalkeun puasana, sareng anu ieu mah tong boro dina bulan puasa, dina bulan-bulan sejen oge teu kenging pisan, ieu teh sanes ngalakonan kitu, paantel kulit oge ngajantenkeun tos teu kenging.

Kumaha cenah pami ningal sanes mahrom di jalan?", eta mah kumaha tujuanna, mun urang keur perjalanan penting teu masalah asal we ulah ditelek-telek teuing. Kumaha cenah ngahaja bulan puasa teh sok jalan jalan ngabuburit bari jeung tungal tingal kiteuh?, nu sanes tingalieunnana, is puguh we matak batalna, da ieu mah ngahaja pisan. Nya anu leuwih hade mah ngabuburitna tong jalan-jalan sagala, mangfaatkeun waktu teh keur baca-baca Al-qur'an, anu leuwih jentrena mah "Tadarusan" we atuh.

Tags: ramadhan

Share: